Шығармашылық жоба

Жобаның ақпараттық картасы

Құрастырғандар:

Жоба түрі: қысқамерзімдік, бірлескен, шығармашылық.

Ойын уәждемесі: мерекелік көңіл күй қалыптастыру.

Жобаға қатысушылар: мектепке дейінгі ересек жастағы балалар, тәрбиешілер, ата-аналар.

Ұзақтығы: 20___ ж. «___» ________ бастап «___» ________ дейін.

Өзектілігі. Осы жоба балаларды халық мерекелерімен таныстыруға бағытталған. Балалар халық және ұлттық мерекелердің шығу тарихы, олардың салт-дәстүрлері мен әдет-ғұрыптары жөнінде аз біледі. Қандай сыйлық сыйлауға болатынын қалай білу керек? Мерекеде өзіңді қалай ұстау керек? Бір мерекенің басқасынан айырмашылығы қандай? Біздің жобамыз балалар мен ата-аналардың мерекенің тікелей мүшесіне айналуына, мереке алдындағы эмоциялар мен әсерлердің толқынына толық енуіне мүмкіндік береді.

Мақсаты:

• бағдарламаның физикалық, көркем-эстетикалық, танымдық, әлеуметтік-коммуникативтік, тілдік білім беру салалары арқылы ересектер мен баланың бірлескен шығармашылық қызметін дамыту;
• балалардың басқа ұлт өкілдерінің өміріне, олардың мәдениетіне, әдет-ғұрыптарына, өнеріне деген қызығушылығын қалыптастыру;
• отбасының мәртебесін, балалар мен ата-аналардың шығармашылық одағының беделін көтеру;
• «ҚР Тәуелсіздік күні» мерекесі туралы білімді кеңейту.

Дайындық жұмысы: тәуелсіз Қазақстан туралы презентациялар мен бейнебаян дайындау, республиканың 25 жылда дамуы туралы, ақпарат жинау, кітап көрмесі.

Негізгі міндеттері:

• «ҚР Тәуелсіздік күні мерекесі» ұғымын түсіндіру, оның өзіндік ерекшеліктерін айқындау: атрибутикасын, адамдардың көзқарасы мен көңіл күйін, әдептілік қағидаларын, дәстүрлерін;
• мерекеге дайындыққа қатысуға деген ниетін тудыру (топ ғимаратын безендіру, ҚР-на арналған оқу құралдарын, қол бұйымдарын, фотогазеттер шығару, балалар шығарған еліміз туралы әңгімелер, өлеңдер мен жұмбақтар кітабы, балабақша балаларының, ата-аналары мен қызметкерлері суреттерінің альбомын жасау, олардың Тәуелсіздік күнін тойлау туралы пікірлерін жинау);
• ата-аналарды мерекеге дайындықтың белсенді мүшелері ретінде топтың өміріне тарту;
• тіл шығармашылығы арқылы мереке туралы түсініктерін тереңдетудің негізінде балалардың сөздік қорын кеңейту және белсендіру.

Күтетін нәтижелер:

• мереке туралы, оның ерекшеліктері, тойлау дәстүрі туралы білімдері мен түсініктерін нығайту;
• мереке туралы түсініктерін тереңдету мен жалпылаудың негізінде, сондай-ақ әңгімелермен, өлеңдермен танысу барысында тілдік қорды кеңейту және белсендіру;
• әртүрлі қарым-қатынас жағдаяттарында байланысты сөйлеудің қалыптасқан дағдыларын қолдану;
• жобаны іске асыру барысында, әртүрлі қызмет түрлерінде жинақталған білімді көрсету (бейнелеу, театрландырылған, ақыл-ой, ойын, тілдік қызмет);
• балалар мен ата-аналардың дайындыққа белсенді қатысуы.

Шыққан нәтиже:

• нәтижесінде балалардың мереке туралы білімі мен түсініктері толықты, жүйеленді;
• мереке туралы түсінікті тереңдету мен жалпылаудың, сәйкес тақырыптағы әңгімелермен, өлеңдермен, мақал-мәтелдермен, жұмбақтармен танысу барысында балалардың сөздік қоры кеңейді және жанданды;
• өз бетімен шығармашылықпен айналысуға деген ниеті қалыптасты: мереке туралы жұмбақтар мен шағын әңгімелер құрастыру, оларды иллюстрациялау, ортақ жобамен бірлесе жұмыс істеу;
• ата-аналардың басым бөлігі жобаны іске асыруға белсене қатысты.

Жобаның өнімдері:

• «Менің сүйікті қалам» газеті;
• «Бір шаңырақ астында» мерекелік ертеңгілігі;
• балалар мен ата-аналарға арналған «Менің елім туралы әңгімелерім» тіл шығармашылық кітабы;
• балалар мен ата-аналардың мерекеден алған әсерлері туралы пікірлері мен суреттері жинақталған альбом.

Жобаны ресурстық қамтамасыз ету

Материалдық-техникалық жарақтандыру:

• фотоаппарат, компьютер;
• балалар көркем шығармашылығына арналған жинақ (ватман, түрлі түсті қағаз бен картон, желім, фломастерлер, түрлі түсті қарындаштар, бояулар);
• мереке туралы иллюстрациялар;
• залды безендіру;
• жоба жоспарының сызбасы;
• көркем шығармаларды таңдау.

Әдістемелік оқу құралдары:

• қыс пен мереке туралы жұмбақтар, өлеңдер, ертегілер мен әңгімелер жинағы;
• балалармен ұйымдасқан қызметтің конспектілері.

Жобаны іске асыру жоспары

Дайындық кезеңі:

• жобаның тақырыбын анықтау;
• жобаның мақсаты мен міндеттерін тұжырымдау;
• жобаның негізгі кезеңін іске асыру жоспарын құрастыру;
• жобаға қажетті, ақпараттық, көрнекілік және техникалық материалды таңдау;
• ата-аналарды жобаның міндеттері мен мазмұны жөнінде, ақпараттандыру.

Негізгі, ұйымдық-практикалық кезең:

• өлеңдерді, әндерді, билерді жаттау;
• «Менің отбасым – менің байлығым», «Қазақстан балалар көзімен» атты балалар суреттерінің көрмесі;
• қол бұйымдарын жасау;
• «Менің сүйікті елім» альбомын дайындау;
• «Қазақстан – достық мекені» фотогазетін шығару;
• «Астана – еліміздің бас қаласы», «Туған жер», «Алматы – менің сүйікті қалам» атты тақырыптық сабақтар мен сұхбаттар;
• «Менің елім – Қазақстан Республикасы» сюжеттік картиналары бойынша сипаттау әңгімелерін құрастыру;
• сәйкес тақырыпқа ертегі, әңгіме, жұмбақ шығару;
• «Менің елім туралы әңгімелерім» балалардың тіл шығармашылығы кітабын шығару;
• дидактикалық ойындар;
• «Тап және ата» ауызекі ойындары және т. б.;
• қимылды ойындар (қазақ халық ойындары);
• мереке туралы әңгіме оқу;
• мультфильм қарау;
• Тұңғыш Президент саябағына, қала мұражайларына экскурсиялар.

Отбасымен өзара әрекеттестік:

• «Менің сүйікті қалам» газетін безендіру;
• бірлескен шығармашылық: қол бұйымдарын жасау;
• «Мерейтойды атап өтуге дайындаламыз» консультациясы;
• «Менің сүйікті ойыншықтарым» шеберлік сыныптары;
• топты безендіру.

Аяқтаушы кезеңі: «Бір шаңырақ астында» мерекелік ертеңгілігі.

Презентация

• сәйкес тақырыпқа арналған бала-ата-ана шығармашылық жұмыстарының көрмелері (конкурсты қорытындылау, жоба бойынша безендіру);
• «Қазақстан – достық мекені» фотогазеттері;
• «Менің сүйікті елім» балалардың тілдік шығармашылығы кітаптары мен балалардың мерекеден алған әсерлері бейнеленген және жеткізілген альбомдар.

Осы жобадағы қызмет өнімдері:

• сабақ кезінде орындалған жұмыстар;
• ата-аналармен бірге жасалған қол бұйымдары;
• ойын-сауық және жасалған жұмыс үшін марапаттау;
• балалардың тілдік шығармашылығы альбомдары мен кітаптары.

Педагог қызметінің өнімдері:

• жоба бойынша презентацияларды безендіру;
• көрмелерді ұйымдастыру;
• фотоальбом мен фотогазетті безендіру;
• балалардың тілдік шығармашылығы кітаптары.