Online Mektep платформасында жұмыс істеу бойынша мұғалімге арналған қадамдық нұсқаулық

Online Mektep —

бұл виртуалды онлайн-мектеп, мұнда Қазақстанның 7 000-нан астам мектебі қашықтан оқуды жүргізуде, ал оқушылардың жалпы саны 3 миллионнан асады. Платформаны Bilim Media Group компаниясы әзірледі.

Online Mektep-ке бір жылға жазылуды мемлекеттің немесе, егер мектеп жекеменшік болса, мектеп басшылығының есебінен ресімдейді. Жазылуды ресімдеген соң мұғалімдер мен оқушыларға платформаға толық қолжетімділік беріледі. Оқу процесінің киберқауіпсіздігін қамтамасыз ету үшін бөтен адам демо-режимде де платформаға кіре алмайды.

Платформаның контенті мен функционалы

Қазірдің өзінде платформаға 42 оқу пәні бойынша 5 700 бейнесабақ пен алған білімді пысықтауға арналған 100 000-дай түрлі жаттығу жүктелген. Online Mektep платформасындағы әр сабақ бейіндік оқыту қағидатына негізделген және мұнда тапсырманың үш деңгейі мен тоғыз кіші деңгейі қамтылған. Егер оқушы материалды толық меңгермесе, оның сабақты қайта ашып, жазбадан қайта қарауға мүмкіндігі бар. Online Mektep платформасында жақсы ұйымдастырылған бейнежазба мұғалімге тікелей сауал жолдауға мүмкіндік береді.

Online Mektep платформасы мұғалімге қандай мүмкіндік береді

Online Mektep платформасын құрастырушылар қашықтан оқытуды оқушылар үшін де, мұғалімдер үшін де барынша ыңғайлы етуге тырысты. Платформада мұғалім

• түрлі форматта тапсырмаларды тіркей алады, мысалы: Word, Excel, PDF және т. б.;
• әр оқушының жұмысын тексереді;
• оқушының бейнетүсіндіруді көріп, жаттығуды, үй тапсырмасын орындап отырғанын көре алады;
• оқушының үлгеріміне мониторинг жүргізеді: оқушының жаттығулар мен тапсырмаларды дұрыс орындағанын бағалап, қанша мүмкіндікті пайдаланғанын көруге болады;
• оқушымен немесе оқытушымен жеке чатта, сыныппен ортақ чатта, нақты сабақ бойынша чатта хат алмасады;
• платформа құралдарының көмегімен бейнесабақ өткізеді;
• онлайн-сабақтар мен үй тапсырмаларын бағалау журналын жүргізеді;
• нақты уақыт режимінде БЖБ мен ТЖБ тапсырмаларын құрастырады;
• ұялы телефондағы қосымшаны қолданады.

Платформаны қолданушылар imektep.kz пен twig-bilim.kz платформаларының материалдарын тегін қолдана алады, бұл қосымша мүмкіндік береді. Мысалы, Bilim Media Group пен британдық жетекші білім беру компанияларының бірі Twig World-тың бірлескен жұмысының арқасында twig-bilim.kz мұғалімдер мен оқушыларға физика, математика, химия, биология мен география бойынша қазақ, орыс және ағылшын тілдеріндегі 2 000-дай қысқа фильм көруге мүмкіндік береді.

Платформада қалай жұмыс істейміз

Платформада оқудың төрт түрінің көмегімен жұмыс істеуге болады:

• аралас оқыту – түрлі ресурстарды қолдану арқылы онлайн және офлайн оқытуды кіріктіру;
• бейіндік оқыту – сараланған оқыту, мұнда бейіндік жаттығулар мен тапсырмалардың көмегімен жеке оқу траекториясын құру алгоритмі қолданылады;
• төңкерілген сынып – оқушылар оқу материалын мектептен тыс, Online Mektep ресурстарының кешені арқылы өз бетімен меңгереді; бұл ретте күндізгі сабақта мұғалім жеке кеңес беру арқылы практикалық қызметті ұйымдастырады;
• дербестендірілген оқыту – мұғалім оқушының тұлғалық ерекшеліктерін ескере отырып, оқу уақытын, қарқыны мен траекториясын өз бетімен таңдайды.

Бейнеконференцияны ұйымдастыру бойынша қадамдық нұсқаулық

Online Mektep платформасының өзінде, сондай-ақ Online Mektep арқылы Online Mektep платформасында бейнеконференция режимінде онлайн-сабақ өткізу мүмкіндігі педагогтердің қызығушылығын тудырады. Бұдан әрі мұны іске асыру жолын толық баяндаймыз.

1-ші қадам. «Менің сабақтарым» қосымша бетіне кіріңіз және тиісті тақырыпқа қарама-қарсы «Өту» батырмасын басыңыз (1-сурет).

2-ші қадам. Шыққан терезеден «Бейнеконференция» бөлімін таңдаңыз. Ашылған қосымша беттен «Конференция баптауларын» таңдаңыз (2-сурет).

2-сурет. Бейнеконференцияны қалай реттейміз	3-сурет. Бейнеконференцияны қалай жоспарлаймыз

3-ші қадам. Баптаулардан конференция өтетін платформаны таңдаңыз: Zoom немесе Online Mektep. Конференция өтетін уақытын белгілеңіз және сілтемені оқушыларға жіберіңіз. Белгіленген уақытта «Сабақты бастау» батырмасын басыңыз (3-сурет).

Экранның төменгі бөлігінде ашылған конференциядан қосылған оқушылар тізімін көресіз. Бейнеконференция режимінде өз экраныңды көрсетіп, YouТube-тағы видеомен бөлісіп, оқушылардың белсенді жауап беру статистикасын көруге болады (4-сурет).

Конференция режимі 1 сағаттан аспайтын ұзақтықта 1-ден 40 оқушыға дейін байланыста болады.

Пайдаланушыларды қолдау үшін «Бейненұсқаулықтар» бөліміне құрастырушылар бейнероликтер жүктеген, мұнда платформаның функцияларын қолдану тәсілі жөнінде баяндаған (5-сурет).

«Әдістемелік кабинет» бөлімінің болуы педагогтер үшін жағымды сый. Бұл жерден білім беру саласындағы өзекті нормативтік құжаттың бәрін табуға болады.

БЖБ мен ТЖБ тапсырмаларын құрастыру үшін конструкторды қолданыңыз. Ол үшін тиісті қосымша бетке кіріп, қай пән, қай сынып үшін әрі қай тілде бағалау жүргізетініңізді көрсетіңіз. «Құру» батырмасын басыңыз (6-сурет).

Бөлім тақырыбы мен сабақтың мақсаттарын толтырып, тиісті тапсырмаларды қосыңыз (7-сурет).

Тапсырманы құрастыру нұсқаларын жүйенің өзі ұсынады. Тиісті тапсырма түрін таңдап, жауаптың дұрыс нұсқасын белгілеңіз және сақтаңыз (8-сурет).